ORANJESTAD – Gobierno a anuncia dialuna atardi cu e companianan Repsol y Total a dicidi pa bora den subsuelo di Aruba en busca di mineralnan potencial.
Den un forma mas simpel, esaki ta nifica cu awor lo cuminsa bora realmente en busca di p.e. gas. Esaki ta bin despues di algun tempo di haci trabounan preliminar di sondeo, estilo scanning. Awor cu a caba cu esaki, a haya suficiente indicacion cu tin algo eybou pa tuma e risico financiero pa inicia cu e boramento real.
E boramento real sinembargo, lo por tuma lugar te aki un aña pa 2 aña y mey y por tin un gasto di 50 miyon dollar. E gastonan aki ta core pa cuenta di e companianan Repsol y Total. Tin 4 area prospecto, unda cu lo bay bora. Bon bini, lagadishi, Dushi y Kinikini ta e nombernan cu a duna e 4 areanan.
Bron: NoticiaCla