Notisia360: Ultimo Noticia – Ni pa papel di WC

Ultimo Noticia: RST loopt met 20 foto’s van Wiels-verdachten

WILLEMSTAD – Ta simplemente inkreibel ku un supuesto korant, a lo menos nan ta pretende ku e ta un korant, por skibi kiko ku nan ke , ora ku nan ke, sin buska drechi si loke nan a skibi ta korekto of laga. Ta inkreibel ku nan por hasi esaki sin tin su reperkushonan pa ku e korant en kuestion. Pa un motibu of otro, sea ta pa rabia of envidia, e korant Ultimo Noticia a disidi di saka un artikulo ku potret di 20 hende ku supuestamente RST ta kana kune pa ser interoga den e kaso di asesinato di Wiels. Sea nan no ta kompronde e daño inmenso ku nan ta hasi na hende su reputashon of simplemente nan no tin kunes basta e korant bende. Paso esei tambe ta otro problema. Hende ta gusta redu.

No ta importa si e artikulo ta basa riba realidad of no. No ta por nada National Enquirer ta e korant mas bendi na mundu. Sikiera National Enquirer ta skibi artikulonan profeshonal. Kontrali na e porkeria ku Ultimo Notisia ta skibi. Pret ta ku nos a bin kompronde ku ta un persona ku e mes tambe ta inklui den e potretnan, ta skibi e artikulo.

Pa ta mas eksakto ta trata di un politiko eksistente ku pa kolmo ta bou di investigashon di korupshon i labamentu di plaka. Ta su taktika di inklui su mes tambe den e potretnan pa no lanta sospecho riba su mes persona. Pa kolmo ta e mes ta e sospechoso mayor den e kaso di Wiels. Mi ta spera ku su chef sa ku ta e mes ta skibi e kosnan aki.

No kabe duda ku mester lanta un organisashon ku mester vigila e tipo di kosnan aki i sankshona e korant severamente. E posibilidad ta eksisti ku por eksihi rektifikashon, pero den nos kaso, ta perdementu di tempu.

Na spaño tin un dicho al kaso: De bagazo nos se hace caso, de basura menos.  T’esaki ta Ultimo Noticia. A ni pa papel di WC e no ta sirbi.

Bron: Notisia360

2 Reacties op “Notisia360: Ultimo Noticia – Ni pa papel di WC

  1. Bo por lagi nek,
    pretende ku e ta un korant ???
    bon ta kansa boso ta???

    boso ta duna notisia Toch??
    no susha nomber di otro notisia!!

    e korant ultimo tei basta anja kaba mi kier sa abo ku a skibi e kos aki unu no sa ki bo ta skibi anto kon bo poor duna notisia na pueblo si bo mes no sa ki ta pasando.

    of boso tambe ta traha ku e peublo sushi i awo boso tin miedu!

  2. Dan maar krantenpapier gebruiken

Geef een reactie

Het e-mailadres wordt niet gepubliceerd. Vereiste velden zijn gemarkeerd met *