Opinie Felix D. Pinedo | Akshon pa fírmá kontra akto ilegal di C-Post
Penshonado di Sehos despues di 42 aña sirbiendo pueblo di Kòrsou. Mas ku 25 aña komo asistente di sirujanonan riba sala di operashon.
Pa mas ku 15 aña publikando den medionan di komunikashon riba tur sorto di aspektonan na bienestar di pueblo di Kòrsou.
E uniko persona ku ta luchando for di yüli 2015 kontra di e inhustisia i akto ilegal di C-Post.
Un akto ilegal pasombra segun e dekreto ministerial di 30 di januari 2015, C-Post mester a para e ‘pilot’ for di yüni 2015 i entrega pòst bèk na kas den e barionan ku a partisipa na e tèst (‘pilot’). Te awe C-Post no ta entrega pòst na e kasnan menshoná.
Dialuna 15 di augùstùs mi a entrega un keho na Ministerio Publiko pa para e inhustisia aki.
Diasabra 10 di sèptèmber 2016 mi ta presente den Sentro di Bario Groot Kwartier entre 10.00 pa 14.00 or, pa habitantenan di Groot Kwartier, Emmastad i bisendario por bin firma pa sostene e posishon kontra e akto ilegal di C-Post. Otro interesadonan di otro barionan tambe ta bon biní. E firmanan por sirbi tambe pa un eventual kaso den korte. Ku boso ayudo nos lo logra pa para e akto ilegal i inhustu aki mas lihe posibel.
Mi ta spera ku boso lo ta presente.
FELIX D. PINEDO
Curaçao