26 C
Willemstad
• donderdag 28 maart 2024

Extra | Journaal 26 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Monday, March 25, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 25 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Friday, March 22, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...

Extra | Journaal 22 maart 2024

Elke werkdag het laatste nieuws van Extra, nu ook in het Nederlands. Bron: Extra

Democracy now! | Thursday, March 21, 2024

Democracy Now! is a national, daily, independent, award-winning news program hosted by journalists Amy Goodman and Juan Gonzalez. Democracy Now!’s War and Peace Report provides our audience...
- Advertisement -spot_img

Opinie | Kòrsou Fuerte i Outónomo: Mester eliminá lei di konsenso (1)

HomeAuteursOpiniesOpinie | Kòrsou Fuerte i Outónomo: Mester eliminá lei di konsenso (1)

Opinie Eldon Sulvaran, Chester Peterson en Anthony Eustatius (KFO)

Kòrsou Fuerte i Outónomo: Mester eliminá lei di konsenso (1)
Kòrsou Fuerte i Outónomo: Mester eliminá lei di konsenso (1)

WILLEMSTAD.- Punto di salida, tambe di statüt,ta ku outonomia ta trese kuné ku kada pais ta atendé su mes asuntunan. E leinan di konsenso ta un infrakshon mayúskulo riba outonomia i igualdat.

Ta mas ku kla ku aworakí riba tereno di hustisia i finansa no tin igualdat den e supuesto reino aki. Paso lei di konsenso a obligá nos pa entregá poder i kontrol na otronan. Kòrsou Fuerte i Outónomo (KFO) ta bisa ku e entrega a kuminsá bou di Zita Jesus–Leitu komo diputado di struktura estatal e tempu ei. Esaki despues ku a gaña pueblo entre otro den boletin #02 di referendum 2005, ku Kòrsou lo haña su mes Prokurador General i un status komparabel ku esun di Aruba, esta ku su mes Banko Sentral.

Asina a traha e promé trampa, pa por akomodá deseo di Ulanda pa hañá mas kontrol riba nos asuntunan propio. Mal informando pueblo ku ta trata di koperashon boluntario, pa despues hinka den e leinan aki, ku Kòrsou no por sali fo’i nan sin aprobashon di tantu Sint Maarten komo Ulanda. Asina a malusá artíkulo 38 di statüt pa duna Ulanda influensia determinante riba kontenido di asuntu ku konstitushonalmente ta pertenesé na outonomia di nos pais. Na lugá di lei di konsenso nos a kai den leinan obligatorio ku nos no por sali fo’i dje riba nos propio boluntat. Asina a obligá pais Kòrsou manera e eksperto estatal, defuntu Carlos Dip, a bisa, p’e regresá bèk den era kolonial, te hasta promé ku e nase komo pais.

KFO ta sigui bisa ku e base di e leinan aki no ta sirbi nos pa nada i lo sigui trese solamente mas problema i divishon. Pasobra pa nos no ta trata di futilidat, pero di un kuestion ku karakter fundamental i di prinsipio. E eskoho pa lei di reino a enserá alabes un eskoho pa un órgano di Ulanda ku nos no tin niun kontrol riba dje. Ta nos derechi pa na kualke momentu nos legislador formal terminá e leinan aki, paso no por tin lei di konsenso sin konsenso. Pa esei mester di kurashi polítiko i mester realisá e konsekuensia i implikashon di e leinan aki pa nos futuro generashon, ku lo lanta den un pais sin un struktura demokrátiko. Nos sigur lo no bai ku esaki riba nos konsenshi. Esei ta e debe ku nos tin ku nos yunan. Nos mester siña nos yunan ku yu di Kòrsou mes por i ku e lugá di nos aki ta mas importante ku nos tur. Indiskutibel ta ku den un demokrasia un minister ta polítikamente responsabel pa e kartera ku ta kai bou di dje.  Tur ámtenar  ta hirarkikamente supordiná na e minister. Nos ta biba den un pais ku lei eksplísitamente ta prohibí nos minister pa duna un ámtenar ku ta kai bou di dje i ku tin tres hefe, entre kual un na Ulanda, instrukshon konkreto i direkto den niun asuntu spesífiko.

Kaminda nos minister ta e úniko responsabel den nos parlamento. Pa por akseptá responsabilidat polítiko i pa por ehersé su funshon adekuá, un minister mester por duna instrukshon konkreto na su ámtenar.  Pa humiá nos mas ainda, a stipulá den e lei di konsenso ku si nos minister kier duna e Prokurador General apuntá pa Ulanda un instrukshon konkreto, e mester bai serka un hues ku ta aki pa 3 aña so i ku no sa nada di nos sosiedat i ademas no tin apsolutamente nada di aber ku gobernashon, pa, manera un mucha chikitu, pidié pèrmit si e mag duna esun ku ta kai bou di dje un òrdu konkreto.

Pa kolmo a duna e figura di Prokurador General poder pa stipulá liña di maneho pa nos ministerio públiko, sin ku e mester konsultá ni haña aprobashon di nos gobièrnu òf parlamento. Nos por bai kuantu elekshon ku nos ke, e kosnan aki ta reglá den lei di konsenso ku nos no por mishi kuné.  Spiritu di sakrifisio na fabor di patria pa un kousa noble i hustu, ta e úniko opshon. Moveshon NO mester bira e moveshon mas importante pa e yu di Kòrsou den siglo 21 asina KFO ta terminá bisando.

Dit artikel is geplaatst in

2 reacties

  1. Interesante topiko, pero outonomia kompleto ta imposibel si ta opta pa keda forma parti di Reino Hulandes. Opshon NO o SI, ja a keda atras i tin wak situshon aktual i pa futuro unda Kòrsou kier bai. Ku eskoho pa Independensha ta logra no solamente outonomia kompletu pero tambe e oportunidad pa traha ku kualke pais inkluso un Hulanda abase di igualdat, pero mester kier si. No tin ku prekupa mas pa un Banko Sentral komparti, un Prokurador General impone i muchu menos e leinan di Konsenso. Pero esta difisil e ta keda pa skohe riba un Pais ku aktualmente ta malamente dividi, sigur notabel na e nivel politiko. Kaminda foi 2010 no a logra di tin un miho estabilidad gubernamental kompara ku Antias, diferente kabinetenan a kai i subi. Kon por ta traha kaba traha e fundeshi si kada biaha e ta wordu kibra?

Geef een reactie

Vul alstublieft uw commentaar in!
Vul hier uw naam in

Zoeken

Recente reacties