Persbericht MFK: Kòrda tur testigu ku a testiguá den kaso di defunto Wiels mester deklará dilanti wes bou di Huramentu

amerigo-thode-4

Amerigo Thode/MFK: Kòrda tur testigu ku a testiguá den kaso di defunto Wiels mester deklará dilanti wes bou di Huramentu

Frakshon di MFK lo hasi tur esfuerso pa esnan ku a testiguá i ta deklarando speshalmente pa inkriminá esnan ku no ta di nan agrado polítiko lo tin ku tei presente den korte pa asina deklará bou di huramentu.

E último akontesimentunan den kaso di defunto Wiels a bira awor sigur foko di diskushon bou di nos sosiedat ora ku ta resultá awor ku den último 14 luna a interogá sospechosonan o testigunan i e resultado ta drei rondó di ku “ma tende ku ken di i esun di” anto tambe ku otronan a bai serka hasidó di brua/santero pa papia ku morto.

Un kaso ku ya a surpasá riba di 5 mion florin di gastu i ta resultá awor ku testigunan ta bin ku nan historianan na RST ku un hasidó di brua/santero ta esun ku a invoká òf manera den boka di pueblo ta bisa “A MONTA” i papia ku supuesto defunto. Anto tur esaki validá den un “Prosès Verbal” pa akusá un otro persona.

Frakshon di MFK ta para riba i no lo deskansá te ora Marvelyn Wiels, manera ya publika, deklará bou di huramentu den korte su historia di ku un hende di kuné, pero e la hura na e hendenan ku e no lo divulgá nan nòmber anto p’esei e no por deklará usando nan nòmber pero nan di kuné definitivamente ku ta “George Jamaloodin”.

Tampoko nos no lo deskansá te ora otronan manera Samira Saab i Richeron Balentien, manera ya publika, tambe presentá den korte i deklará bou di huramentu ku nan historia di e hasidó di brua/santero ku ta “Monta” morto i asina a haña tende di e defunto ta ken a orkestra su asesinato.

Frakshon di MFK ta para riba ku:

1. Testigunan ku ninga di testiguá den korte mester wòrdu di “Gijzel” (konforme artíkulo 255 insiso 1 di kódigo penal di prosedura – Wetboek van Strafvordering) ora e ninga di deklará manera el a hasi na RST pero awor den korte dilanti hues i bou di huramentu.

2. Testigunan ku gaña i kometé perhurio dunando falsu testimonio nan kastigu ta bon definí den nos leinan i nos no lo deskansá te ora e kastigu wòrdu apliká manera preskribí. (Artíkulo 2:165 kódigo penal – Wetboek van Strafrecht)

Atentamente,

Amerigo Thode
Miembro di Parlamento (MFK)

Bron: Yves Guillaume Cooper

 

Geef een reactie

Het e-mailadres wordt niet gepubliceerd. Vereiste velden zijn gemarkeerd met *