Gisteren stonden vijf verdachten terecht voor een overal op Freeport Jewelers in de Renaissance Mall, in mei van dit jaar. Het Openbaar Ministerie heeft vier jaar cel geëist tegen de jonge overvallers, waarvan één jaar voorwaardelijk en een proeftijd van drie jaar.
Het OM heeft rekening gehouden met de jonge leeftijd van de daders, ook al ging de overval er ondanks hun jeugdigheid goed georganiseerd aan toe. Op 30 september doet de rechter uitspraak in de zaak.
Veredikto 30 sèptèmber 2015
Demanda 4 aña prisòn pa intento atrako Freeport Jewelers
Korte a trata djárason 16 di sèptèmber e kaso di intento di atrako ku a tuma lugá 25 di mei 2015 riba Freeport Jewelers den Renaissance Mall den otrobanda. Tin na tur 5 sospechoso pero kaso di 4 a keda tratá. E kaso kontra R.F.S.H. (24) ta sigui 18 di novèmber 2015.
Fiskal di Ministerio Públiko (OM) a hasi un demanda den Korte pa 4 aña di prisòn di kual 1 aña kondishonal i 3 aña proeftijd ku giya obligatorio di Reclassering pa e hòmbernan A.M.B-Y. (18 aña)R. “Rik” V.M. (21 aña), S.J.E.M. (23 aña) i G.M.M-R. (19 aña). Ta trata di sospechosonan ku tur tin un karchi di kastigu blanku, esta nunka nan no tabata tin kontakto ku hustisia.
Ta trata di e kaso di atrako na unda 1 sospechoso a baha di e parkeergarage na un kabuya. Den prensa el a haña e nòmber “Spiderman”. Ta trata di e sospechoso “Rik” ku a splika den Korte ku den pasado el a yega di sigui un kurso pa bira polis i tabata hopi bon den e deporte yamá ”rock climbing”. Ku un mukel el a trata di kibra e porta di glas di e hoyeria. El a keda solamente na un intento paso un bewaker armá atento den e negoshi a los un tiru i a buta ku e sospechoso kore bai i drenta un outo ku tabata wardando pa e huida.
Rápidamente 1 sospechoso a keda detené pa polis durante su huida den area di Saliña. Despues ku mas investigashon a logra detené e sobrá sospechosonan. “Rik” a deklará na polis i den korte ku tur 5 sospechoso a yuda pa traha e plan pa e atrako. Den Korte 1 sospechoso a ninga esei redondamente. Tabata intenshon pa hòrta holoshi i renchi pa bende esakinan i parti e ganashi.
Fiskal di Ministerio Públiko a kondená e aktitut di e sospechosonan, tur 5 relativamente hóben. Ku nan akto nan a kousa daño na Kòrsou komo produkto turístiko i tambe ta kousa hopi spanto serka trahadornan serka e hoyeria. “E sospechosonan no a tene kuenta ku e konsekuensia I tabata interesá solamente den ganashi I traha plaka”, asina Fiskal di OM a deklará den su rekisitorio durante e tratamentu den Korte.
Wes ta duna su veredikto den e kaso aki dia 30 di sèptèmber 2015 pa 11 or di mainta.
Bron: ParadiseFM