Empleadonan di aeropuerto a bai traha bèk den oranan lat di awe tardi despues ku sindikato ABVO i Curaçao Airport Partners a sinta na mesa ku mediadó. Djamars awor nan lo reuní riba e 16 puntonan di preokupashon. Operashonnan na aeropuerto Internashonal Hato a paralisá pa gran parti di dia awe despues ku trahadónan a pone trabou pa di dos biaha e siman aki. Djamars e trahadónan a ekspresá nan prekupashonnan grandi ku un parti krusial di nan akuerdo di trabou ku gerensia NO ta kumpliendo ku n’e. Mirando ku entre otro kuerpo di bombero di aeropuerto tambe tabata plat, a surgi un retraso enorme ku e buelonan.
Bron: TeleCuracao