Scouting Antiano a tene un Santu Sakrifisio di misa den fin di siman pa habrí e aña nobo di scouting ofisialmente. E organisashon ta konsistí di mas ku 1200 miembro i hopi di nan tabata presente den parokia di Santa Maria. 
Den un komunikado, e organisashon ta bisa ku Scouting Antiano ta wak bèk riba un 2014 ku hopi alegria i satisfakshon i ta spera ku kada siudadano por ta di mesun opinion pensando tur hende a trata na krea un mihó mundu den e añatras di lomba. Nan ta bisa ku si aña pasá Scouting Antiano tabata den full swing, organisando e di 15 Jamboree di Karibe, e aña aki Scouting Antiano no ta sinta ketu tampoko i ta preparando kaba diferente aktividat pa komemorá e hecho ku 85 aña pasá a kuminsá ku scouting na Korsou. 2015 lo ta di gran nifikashon pa e asosahon nashonal di scouting.

Bron: Telecuracao