Famia, amigu i personal di Maduro & Curiels Bank a hiba e ikono di bondat i noblesa di Kòrsou, bankero Lionel ‘Paps’ Capriles pa su ultimo luga di sosiegu.
For di algu promé ku mèrdia famia Capriles a kuminsá risibí bishita di kondolensha na su kas riba Schout bij Nacht Doormanweg. Masha hopi hende mes a akudí na kas dje defuntu pa kondoler famia, entre nan su yunan Chicu i Michelle, i rindi último tributo na Lionel Paps capruiles, kende a bai laga nos djaweps siman pasa na edat di 83 aña.
Pa mitar di kuater di atardi tabatin un un servisio kòrtiku pa deskanso di alma di Paps Capriles. Despues a sali ku Paps i pasa kune den Punda kaminda e head office di e banko ku ela presidi komo gerente pa basta aña ta situa.
E korteho funebre ku restunan di Paps Capriles a kondusi despues pa Berga Altena. Entiero di Paps a tuma luga den seno familiar den e santana Israeli.
Lionel Capriles tabata un hòmber ku bienestar di e komunidat sigur na pechu. E aspekto ei a influensha hopi desishon na Maduro & Curiels Bank, kaminda e tabata un gerente hopi stimá.
Deskanso eterno na Paps i hopi forsa na famia pa ssigui kaarga den e dianan difisil aki.
Bron: TeleCuracao Multimedia