Miembro nan di prensa a kumpra radio di polis hòrta
Awor ta mas ku opvio i bisto te na unda e asuntu di “Breaking News” esta notisia di último ora, ta hiba periodistanan. Awor ta Sali na kla ku algun miembronan di prensa lo a kumpra radio di polis, hòrta, esta e “Chuchubi Trunking” pa nan por keda na altura di e delaster un moveshon ku tin den mundu polisial. Algun aña pasa kuerpo polisial a tuma e desishon pa introdusí e sistema di “Chuchubi Trunking” ku ta un sistema di sirkuito sera ku solamente polisnan por risibí mensahe nan riba dje. Esaki tabata un sla formal pa prensa ku tabata sigui riba “Scanner” e notisianan di polis.
Tur e kos a kuminsá na momentu ku a detené e polis ku a tuma informashon di e buelo di “Djais” pa hiba e informashon aki pa baho mundu, kaminda nan a bin likidá dos persona na Hato.
Un periodista a bira nervioso dor ku e tabatin un relashon di kompra ku e polis aki , i a disidí di bai entrega e radio bek na polis i a bisa nan ku e la kumpra e radio serka e polis enkuestion. Esaki a bini ta lora, ya ku polisnan masha dia tabatin pèrdida di radionan di polis , sin ku por a deskubrí ta kiko ta e motibu.
E periodistanan a saka e GPS ku ta den e antène di e radio di manera ku polisnan no por a sa ubikashon di e radio. Awor ta bin Sali na kla ku ta polis mes tabata hòrta e radio pa bende esaki ku miembronan di prensa.
Un ora pa otro outoridatnan ku ta enkargá ku e investigashon aki lo por detené e miembronan di prensa ku a hasi nan mes kulpabel na kumpra kos hòrta. Te kon leu por pèrsigui e periodistanan aki pa a usa informashon konfidensial di polis pa notisia,no ta konosí pa redakshon di Ultimo Noticia!
Bron: Ultimo Noticia