Valentino King primo di Young Quicksilver tabata desea cu e legendario cantante no lo a bay laga nos asina lihe
ORANJESTAD (AAN): Recientemente DIARIO a ricibi un comunicado for di e conocido artista local Valentino King, relaciona cu fayecimento di ‘Young Quicksilver’ David Hodge.
Valentino ta famia di Quicksilver y ta lamenta cu el a bay laga nos. E comunicado ta bisa lo siguiente:
Nos cu ta famia aki na Aruba di quick silver kier a tuma e rato pa bisa cu nos a perde un pionero den musica y un leyenda pa esnan cu conoce.
Semper e tabata un persona hopi alegre, semper e tabata cla pa yuda te unda e por y e tabata stima su musica.
E ta mi mama su primo dus dimi tambe. Durante añanan 70 na st.Vincent, e tabata canta hunto cu mi tata y na 2010 mi a topa cune na Hulanda. Nos a planea pa hasi diferente proyecto hunto, pero lamentablemente el a bay laga nos.
Ami y mi famia kier a bisa Aruba cu nos perde un icono den musica y entretenimento. Specialmente su cancionnan di Carnaval tabata dushi pa tende y hopi gusta pa tur hende cu tabata sa di dje.
E cantica cu ami y mi primo Quick Silver tabata pensado di saca ta yama “KINGS FOR EVER” He was a great man and we surely will miss him. May his soul rest in peace.